公公婆婆曾反對皓琛入讀 PN班，但眼見剛升讀幼稚園 K1的乖孫完全適應新學校，二人笑言：「好彩有讀！」 

親壹親

PN班不是必修班

PN班（ Pre-Nursery）即學前預備班，顧名思義，是讓滿兩歲的孩子提早適應幼稚園生活。有家長欲將戒尿片、學自理兼聽指令等訓練求助學校，亦有深信「輸人唔輸陣」的家長紛紛報名。近日更出現一家老少輪流通宵排隊，為子女索取申請表的瘋狂情況，家長一窩蜂將「起跑戰線」由中、小學幼稚園推前至學前教育。有社工指其實只要父母有心教， PN班絕非必修班。

美賢與丈夫阿康婚後育有一子皓琛，夫婦均要工作，但為免家中多個陌生人兼不欲見有虐兒事件而拒請工人，囝囝只好交由嫲嫲和公公先後照顧。美賢坦言：「皓琛係第一個孫，個個當佢如珠如寶，其實交俾老人家湊，我一早預咗會好易縱壞，但要返工，所以無法。但眼見個仔又要追又要氹先肯食飯，好多時明明識做例如著鞋，都依賴人哋幫佢，真係好勞氣，我唔想養到個仔咁自我中心，覺得個個都要就晒佢，同埋都係時候學習自理同遵守紀律，所以當佢一歲十一個月，我就送佢讀全日制 PN班。」

狠心放手　學習成長

曾照顧皓琛八個月的公公回應：「湊咗咁耐，初時梗係唔捨得啦﹗咁細個又未識講嘢就話返學，學得啲咩﹖個孫返咗學之後成日病，有時放學接佢幫佢除口罩時，見佢成面鼻涕，帶佢食下午茶時又狼吞虎嚥，睇見就陰功，都唔知係咪無人理又食唔飽，真係好心痛。」媽咪美賢又何嘗捨得呢﹖不過，她認為：「壞習慣唔好就要改，我相信老師識教，作為家長，想仔女好就要學識放手，加上小朋友病真係避唔到，無得擔心太多。」
眼見皓琛自從返學後，說話表達能力突飛猛進、半年成功戒尿片、自行換褲著鞋等每日小進步，父母亦深感安慰。阿康坦言：「皓琛以前晚晚要哄個半鐘先肯瞓，但返學後生活作息定時有規律，讀咗三個月就肯乖乖自己瞓，我哋先有時間睇吓電視兼做自己嘢。」美賢亦透露：「最開心係學校訓練到佢肯自己食飯，因為學校安排同學圍喺枱食，利用朋輩壓力讓他們互相學習，有次皓琛掛住玩唔食飯，老師知佢識自己食，所以唔會主動餵，最後收起食物，佢先知原來唔食就無人餵，所以第二日即刻乖乖地自己食。你話如果仲係老人家湊，點會捨得餓親個孫呢﹗」

(繼續閱讀...)