2016韓劇推薦排行榜 , 2016韓劇推薦好看的 , 2016韓劇推薦必看 , 2016韓劇 , 2016韓劇排行榜前十名 , 韓劇推薦 ,

喺呢度睇到一間「機場專業XX.XX」包車去機場價錢優惠，就諗住離開台北嗰程去幫襯。點知佢哋打俾我約實時間嘅時候，我同屋企人正正浸緊溫泉，所以先接唔到佢哋電話。大約半小時內打過幾次嚟，但講緊我浸溫泉浸兩個鐘之後先睇到有 missed calls。跟住就發現佢哋傳咗個惡意短訊俾我，話我係因為怕接個電話驚俾人收錢而唔接，如果連呢啲小小錢都怕俾，佢唔接我生意，叫我過主。

我想講嘅係：

第一，我用中華 3 日上網卡係包咗 NT$100 通話費，我唔明點解我怕接個電話要俾人收錢？傾晒嗰 NT$100 通話費咪自動 cut 線咯！就算係漫遊，聽個電話唔使好多錢啩？！
原文載於: 背包客棧自助旅行論壇 http://www.backpackers.com.tw/forum/showthread.php?t=1352056

第二，接唔到電話佢哋自動屈我哋呢啲係死窮鬼，連小小錢都計較。我抵死，係真係貪佢 NT$750 出到機場係最抵。不過以後我都寧願喺街叫的士算咯！都係 NT$900，但起碼唔使俾人破壞旅遊心情。單喺老天祿都買咗 NT$13,000，我著實係唔應該為咗慳 NT$150 而招致無謂嘅侮辱。

第三，佢哋話明明就見我喺呢個 group 係 online，並唔係我所講嘅唔得閒去接電話。實情就係我開咗呢個網，留咗我個電話俾佢哋就一直冇再閂個網頁。此乃個人習慣。估唔到個網 show 我係 online 就等於我係得閒。咁即係 whatsapp 雙藍剔指控一樣，明明你睇咗唔覆就係你唔啱。其實去得旅行分秒必爭，除咗喺酒店臨瞓前先會上下網，邊個得閒成日上住呢啲網睇更新？！

第四，客人接唔到電話，會唔會係佢留錯咗電話號碼？定還是重返最基本嘅可能：佢唔得閒！其實你只需要留一句說話：得閒覆返我，成件事就唔會發生，我之後仲會好樂意叫所有親友嚟台灣都幫襯你。當然呢件事以後都唔會發生啦！

希望今次純粹係我個人嘅不幸，遇著個粗鄙司機。你想幫襯嘅請繼續幫襯，我唔會阻止你。人哋大把生意亦不屑做我一單半單生意。不過最後嘅溫馨提示就係，一分錢一分貨係唔會死錯人的。

This entry passed through the Full-Text RSS service - if this is your content and you're reading it on someone else's site, please read the FAQ at fivefilters.org/content-only/faq.php#publishers.