跳到主文
部落格全站分類:藝文情報
據知因為收咗某啲贊助,所以亞視死都要搞亞姐亞生。葉家寶周三( 8日)返亞視總台,俾大班記者包圍,但佢話今日唔會講任何嘢喎。
Ads by Google
查實呢,亞視可唔可以俾大家唞吓㗎?上個禮拜,喺王征「英明」領導之下,亞視終於成為香港史上第一個冇得續牌嘅免費電視台,搞到 6百幾個員工冇晒希望。但原來佢仲未收手㗎!媽咪姐收到風,亞視管理層已經落咗 order,話會搞埋末代亞姐同亞生,一班服裝部阿姐已經收晒通知,要準備啲戰衣㗎喇。
Well,不過大家都知亞視冇錢出糧有錢打官司,依家仲續唔成牌。葉家寶話賣埋片庫同器材,啲營運資金都係頂到 4個月度咋喎!而依家開始招募亞姐,搞得嚟都差唔多年尾,唔係諗住叫啲員工白做吖嘛?至慘係搞完一場大龍鳳,個節目最後好可能出唔到街!上期《忽周》先報道過,來自國內嘅 2013年亞姐季軍陳夢圓攞住旅遊簽證幫亞視做黑工,而近年參選亞姐嘅,好多係大陸同胞,勞工處呢次唔係唔做番啲嘢吓嘛?都係嗰句,與其搞咁多嘢,阿王征先生不如出嚟同員工交代清楚「後事」,準時出糧。執都執得好好睇睇吖!
2016韓劇推薦排行榜 , 2016韓劇推薦好看的 , 2016韓劇推薦必看 , 2016韓劇 , 2016韓劇排行榜前十名 , 韓劇推薦 ,
gsihop12 發表在 痞客邦 留言(0) 人氣()
留言列表